Los Angeles, 16 June : Peter Serafinowicz para HBO laga notun Harry Potter series te join korise
Actor Peter Serafinowicz, juntu The Tick aru Star Wars: Episode I – The Phantom Menace nisina projects karne jana jai, HBO laga upcoming Harry Potter series laga cast te notun addition hisab te join korise.
Entertainment news outlet Variety laga hisab te, Serafinowicz para series te Peeves the Poltergeist laga role khelibo.
Series te Dominic McLaughlin para Harry Potter laga role koribo, Arabella Stanton para Hermione Granger aru Alastair Stout para Ron Weasley laga role koribo.
Dusra cast members khan majote Rory Wilmot (Neville Longbottom), Lox Pratt (Draco Malfoy), Leo Earley (Seamus Finnigan), Elijah Oshin (Dean Thomas), Tristan Harland (Fred Weasley), Gabriel Harland (George Weasley), Ruari Spooner (Percy Weasley) aru Alessia Leoni (Parvati Patil) bhi ase.
Additional cast te Daniel Rigby para Vernon Dursley, Bel Powley para Petunia Dursley, Paul Whitehouse para Argus Filch, Johnny Flynn para Lucius Malfoy, Bertie Carvel para Cornelius Fudge, Luke Thallon para Quirinus Quirrell aru Katherine Parkinson para Molly Weasley laga role khelibo.
Main villain Lord Voldemort laga role karne etiya kunuke cast kora nai.
Series tu author J.K. Rowling laga bestselling books upor base kori ase. Francesca Gardiner para series likhise aru executive producer hisab te bhi kaam kori ase. Mark Mylod para executive producer hisab te ase aru ketia episodes direct bhi koribo.
Show tu HBO para Brontë Film and TV aru Warner Bros. Television logot milikena produce kori ase. Rowling, Neil Blair, Ruth Kenley-Letts aru David Heyman bhi executive producers hisab te ase.
Notun adaptation laga plan hisab te Rowling laga sob 7 novels screen te anibo. Pratyek season ek-ek kitab upor base thakibo aru notun seasons khan 2036 ahibo kuina asha kori ase.
Harry Potter franchise agey bar 2001 te Warner Bros. para screen te anise. Original film series te 8 films thakise, Harry Potter and the Philosopher’s Stone pora suru hoi thakise.
Original films te Daniel Radcliffe para Harry Potter, Emma Watson para Hermione Granger aru Rupert Grint para Ron Weasley laga role korise.
Series tu Harry Potter and the Deathly Hallows laga two-part adaptation logot khotom hoise. Films te Robbie Coltrane para Hagrid, Alan Rickman para Snape, Maggie Smith para Minerva McGonagall aru Ralph Fiennes para Lord Voldemort laga role korise.
