Guiyang, 18 June : World Boxing Cup 2026 te, Guiyang, China te India laga Minakshi Hooda women’s 51kg category laga quarter-finals te qualify korisey.
Minakshi Round of 16 bout te Poland laga Natalia Kuczewska ke ekdom dominant 5-0 unanimous decision te haraina agey jaise.
Kali Minakshi women’s 51kg category te Kazakhstan laga Alua Balkibekova logot quarter-final bout khelibo. Women’s 65kg division te Saneh Poland laga Kinga Krowka logot mukabila koribo, aru Prachi women’s 57kg quarter-finals te Chinese Taipei laga Chengyu Yang logot lorhibo. Men’s competition te Nikhil bhi quarter-finals te namibo, tai Azerbaijan laga Amin Mammadzada logot 55kg category te mukabila koribo.
Eki logot, women’s 48kg category te Jyoti aru women’s 85kg division te Jugnoo already semi-finals te qualify kori loise. Semi-finals te uthi jaikarone duijon India nimite komse kom ekta podium finish assure kori dise.
India laga boxers khan tournament te bhal performance dikhai ase aru aro medals laga asha etiya bhi jinda ase.
