MUMBAI: Duita party para joint statement release kura te etu confirm kurishe ke Shiv Sena aro BJP melai kena tai khan laga election campaign suru kuribole ase. Etu toh ahi thaka elections knimite hubole ase. Tai khan March 24 te Maharashtra laga Kolhapur te melai kena rally kuribole ase.
Statement hesab te Shiv Sena-BJP khan laga sob para poila melai kena kura rally toh March 24 te hubole ase. Etu nokura agote tai khan laga party te kaam kura manu khan majote meeting thakibole ase.
Khobor hesab te duita parties khan majote joint meetings hubole thaka toh March 15, March 17 aro March 18 te alak alak jag ate hubole ase. Etu meetings te kotha kuribole thaka khan toh Chief Minister Devendra Fadnavis aro Shiv Sena chief Uddhav Thackeray hubole ase.
Party te kaam kuyra khan majote meeting huwa pichete March 24 Kolhapur te duita parties laga senior leaders khan laga dangor joint rally hubole ase.
Aro statement te koishe ke joldi he duita parties para joint manifesto dibo koishe.
BJP-Shiv Sena para jua moina te ahi thaka elections te contest kuribole laga plan toh finalize kurishe. BJP toh 25 seats opor te contest kuribole ase aro Shiv Sena toh 23 seats te contest kuribole ase.
Etu saal Maharashtra te hubole thaka Lok Sabha elections toh charta phases te hubolea ase. Results toh May 23 te dibole ase.
Add Comment