Atlanta, 2 July : FIFA World Cup te, Belgium Round of 32 match te extra time pichete Senegal ke dramatic 3-2 pora haraina Round of 16 te qualify kori dise.
Youri Tielemans 125th minute te penalty score kori Belgium ke important victory dise aru tai khan laga unbeaten run 17 matches tak barhai dise.
Co-hosts United States bhi aji sakal Round of 32 te Bosnia and Herzegovina ke 2-0 pora haraina Round of 16 te ponchise. Etu 2002 pora knockout rounds te United States laga first victory ase.
Etyia United States Round of 16 te Belgium logot khelibo.
Kali rati Atlanta te, England Democratic Republic of the Congo ke 2-1 pora harai dise. Harry Kane sesh 15 minutes bhitor duita goals kori England ke victory anise.
England etiya July 6 din Round of 16 te co-hosts Mexico logot khelibo.
Aru ekta Round of 32 match te, Mexico Mexico City te Ecuador ke 2-0 pora haraina Round of 16 te qualify kori dise.
France New York te Sweden ke 3-0 pora harai dise, aru Norway Texas te Ivory Coast ke 2-1 pora harai last 16 te nijor jagah secure kori dise.
