New Delhi, 3 July : Welcome to the Jungle domestic box office te ₹100 crore mark usorte
Ahmed Khan direct kora Welcome to the Jungle, juntu Akshay Kumar lead kora action-comedy film ase, critics aru audience khan pora mixed response paisey. Kintu etu divided reviews thakile bhi, film tu first 7 din bhitor te worldwide ₹100 crore mark cross koribole safol hoisey aru etiya domestic box office te bhi ₹100 crore usorte ponchi ase.
Sacnilk hisab te, Wednesday din Akshay Kumar laga film tu ₹6.15 crore collect korisey. Seventh day aru first Thursday din, collection te 14% drop dekha jaise aru film tu 9,917 shows pora ₹5.25 crore collect korisey.
Etu logot, Welcome to the Jungle first week end te ₹92.90 crore net domestic collection hasil korisey. Film tu etiya ₹100 crore domestic mark loi bishi usorte ponchi ase.
Kintu etiya Alia Bhatt aru Sharvari star kora Alpha July 3 din theatres te release hoise. Etu karone Welcome to the Jungle nijor box office momentum continue koribo niki slowdown dekhabo, etu sabole baki ase.
Agla week te film tu aro ekta competition face koribo, karon Dhamaal 4 July 10 din theatres te ahibo. Etyia sob laga nazor etu uporte ase ki Welcome to the Jungle, Akshay Kumar laga age horror-comedy Bhooth Bangla laga ₹182 crore worldwide lifetime collection cross koribo paribo niki.
Ahmed Khan direct kora Welcome to the Jungle, Welcome franchise laga third instalment ase. Film tu border usorte thaka ekta jungle te gangsters, criminals aru quirky characters khan laga rasta cross hoa kahani uporte based ase. Film shoot nisina shuru hoa operation pichete crime, confusion aru action-packed situations logot bhora absurd adventures te bodli jai ase.
Akshay Kumar logot film te Suniel Shetty, Disha Patani, Jacqueline Fernandez, Arshad Warsi, Jackie Shroff, Paresh Rawal, Raveena Tandon, Lara Dutta, Farida Jalal, Johny Lever, Shreyas Talpade, Tusshar Kapoor, Rajpal Yadav, Krushna Abhishek, Kiku Sharda, Daler Mehndi, Aftab Shivdasani aru bishi actors ase.
