Mumbai, 4 July : Honey Trehan aru Diljit Dosanjh laga notun film Satluj release hua dui din pichete Zee5 pora India te hatai dise. Film tu bishi deri pichete release hoisey aru critics aru audience pora bhal reviews bhi paisey.
OTT platform para ekta statement te koise ki tai khan film laga logot firmly thaki ase, kintu “current developments” karone etiya karone film ke India te pause kori Rakhi’s.
Interesting kotha ase ki, Diljit para film release hua pichete Instagram LIVE te fans logot kotha pati thaka time te etu hobole ase kuina age pora andaza kori thakise.
Ekjon fan para taike hudhisey ki film tu hatai dibo kuina tai bhoy pai naki. Tai jawab te koise ki tai bhoy pai ase. Itu Logote, film tu OTT te release hoise kuina bhi tai surprise hoisey.
Tai koise, “Aji Saturday ase. Moi bhabi ase Monday age te film tu hatai dibo pare. Kintu eku problem nai, apuni download kori lobi.”
Film release hua pichete, Diljit para social media te bhi share kori koise ki film tu kunuba din release hobo naki kuina tai nijor team ke bar bar hudi thakise.
Tai likhise ki, “Moi team ke ghuri ghuri hudi thakise ki etu film kunuba din release hobo naki. Ami nijor kahani bhi kobole napabo naki? Khalra Sahib laga awaz ke 1995 te bhi chup korai dise aru etiya bhi tai laga awaz ke chup koribole try kori ase. Ami kot te khara ase? Kang Bhaji para sob time koise ki somoi bodolibo aru film tu ekdin release hobo. Shukar, shukar, khali shukar.”
Satluj, kun age Punjab ’95 naam te ase, release hobole tin saal pora bhi beshi somoi loise.
Reports hisab te, CBFC para theatre release karone film te 125 cuts koribole koisey, kintu film laga team para etu manibo mon kurianai.
Film tu end te 3 July te OTT te uncut version hisab te release hoisey. Kintu dui din pichete, 5 July te platform pora hatai dise.
Film tu human rights activist Jaswant Singh Khalra laga kahani upor ase. Tai para police atrocities aru lagbhag 25,000 manu laga alleged killing aru illegal cremation laga mamla investigate kori thakise.
