London, 6 July : Wimbledon Tennis te Serbia laga Novak Djokovic para kali rati Russia laga Roman Safiullin ke haraina Men’s Singles quarter-finals te uthisey.
Itu victory tu Djokovic laga All England Club te 106 number singles win ase. Itu Logote, tai para Roger Federer laga Wimbledon Men’s Singles te 105 victories laga record bhi bhangi dise. Etiya Martina Navratilova matro 120 singles wins logot tai pora age te ase.
Djokovic laga next match quarter-finals te Felix Auger-Aliassime nathakile Alejandro Davidovich Fokina laga khilaf hobo. Tai jitile world number one aru defending champion Jannik Sinner logot semifinal te mukabila hobo pare.
Women’s Singles te, Karolína Muchová para career te third time karone Wimbledon quarter-finals te uthisey. Tai para fellow Czech player aru former champion Barbora Krejčíková ke ekta kothin fourth-round match te 7-5, 5-7, 6-3 pora harai dise.
Itu result karone etiya confirm hoise ki itu saal Wimbledon Women’s Singles te ekjon first-time champion hobo.
Ahibole match te, Naomi Osaka para Wimbledon 2026 laga sob pora dangor upsets majot ekta create korisey. Tai para world number one Aryna Sabalenka-k 6-2, 7-6(2) pora harai All England Club te nijor first quarter-finals te uthisey.
Former world number one Osaka para 1 ghonta 28 minutes loi Sabalenka laga dominance khotom kori dise. Itu tai laga Belarusian player laga khilaf 8 saal pora first victory ase.
Agete, America laga Jessica Pegula para nijor compatriot Iva Jovic-k 4-6, 6-3, 6-1 pora haraina Women’s Singles quarter-finals te jagah banaise.
