PANAJI: Monday din te Goa Congress leader Chandrakant Kavlekar koishe ke tai laga party toh state te government form kuribole laga kotha kuwa pichete assembly ke suspended animation te rakhibole naparibo.
Goa Assembly laga opposition leader Mr Kavlekar tho tai laga party MLAs khan ke Raj Bhawan te namatile (uninvited) bhi loi jaishe. Etu tho government banabole laga kotha kurinbole nimite loi jaishe. Etu tho Chief Minister Manohar Parrikar murija pichete hoishe.
Raj Bhavan te naja agote Mr Kavlekar para reporters khan ke koishe governor para ami khan ke appointment toh diya nai. Etu nimite ami khan tai logote government banabole laga kotha kuribole nimite shida (directly) meeting kuribole nimite jaishe.
Jua Friday para Congress para Governor ke government banabole ninmite duita letters de kena ase. Hoile bhi party toh etiya bhi Governor laga jawab pabole nimite rukhi ase.
Tai koishe ami khan he ekla sob para dangor party ase. Ami khan logote numbers toh ase. Etu nimite governor toh ami khan ke eetu moka dibole lage. Hoile bhi governor tho ami khan ke etu appointment na diya nimite ami khan shida Raj Bhawan te tai ke lok kuribole nimite jai ase.
Congress tho etiya samay te state te ekla sob para dangor party ase. 40-members Assembly te etiya Congress logote 14 MLAs ase aro BJP logote barota (12) MLAs ase.
Add Comment