IMPHAL, March 20: Congress President Rahul Gandhi pora Wednesday te koise ki tai kha laga party ekla pora Northeast laga manu khan laga culture, bhasa aro history ke suraksha koribole paribo aro koise ki tai khan laga party pora Rajya Sabha te Citizenship (Amendment) Bill, 2016 ke pass koribole pora rukhai dise.
Prime Minister Narendra Modi ke ekdam dangor hamla korikena, Gandhi pora koise ki tai aro tai laga party toh narukhi kena etu bill logote khilaf kori thakibo, tate tai pora Manipur laga rally te jamma korikena thakiya manu khan ke yaat dilai dise ki region laga aathta states nimite Modi proa kam koriya toh khali Manmohan Singh laga “Look East” policy laga naam toh “Act East” policy karne p[odli kori dise.
Etu ekla charikena ekko aalag podli aniya nai, etu Congress chief pora milaikena koise.
Tai pora Prime Minister ke bi bodnam korise ki tai pora wada koriya nisina saal te twei crore kaam diya nai aro bodnam korise ki ulta jowa panch saal te hotai 30,000 nisina kaam hatai dise.
Gandhi pora demonetization laga kadam loikena Modi ke dhamali korise. “Ek din bhujur, PM othise aro koise ki moi etu Rs 500 aro Rs 1,000 poisa note khusi napai. Etu toh hatai dibole laage.
“Public manu khan toh banks khan te besi lamba line pora khara koribole olaise”, hoilebi ruling manu khan nimite etu toh ekko hisab thakiya nai, tai pora koise.
Goods and Services Tax (GST) laga mamla te, konoke Gandhi pora “Gabbar Singh Tax” maatiye, tai pora koise ki etu toh Modi laga dhuni saathi khan laab pabo nimite olaise, tate chottu businessman khan besi dukh pai ase.”
Desh biya koribole ola BJP-RSS goonda khan ke nahoi kena Congress ke vote koribo karne manu khan ke request korikena, etu Congress chief pora koise “Ketiya bi Modi pora kiba koi, etu toh tai laga dara-dari fesla thakiye aro tai hotai manu khan laga majote kheen phelai kena aalagkoridiye.”
Gandhi toh etu bicchete Tripura te jaise.
Manipur toh Lok Sabha elections laga pohoila tweita phases te election lobole ase.
Add Comment