September 28, 2026: September 27 din te, Assam laga Charta kaam kurea manu nishina toh murishe koishe. Yete taikhan toxic gas laga hawa loa karne. Etu toh Meghalaya laga South Garo Hills District, Randgokram Bosti laga Spetic Tank te. Etu toh mati bitor te thakhishe.
Etu jamala toh 3 pm homoi te hoishe koishe. Yete Sebastian CH Sangma laga ghor te hoishe koishe. Yete kaam kurea manu khan toh nutun septic Tank banai thakhishe koishe. Reports lagahisab te. Duita kaam kurea manu toh, tank laga dakhana khuli dishe koishe. Aru tai khan toh bitor laga gas para girishe koishe achanak. Aru alak duijun toh modot kuribole ja homoi te. Tai duijun bi gas para bihos hoi kina girishe.
Police and Fire aru Emergency Services manu khan toh jagate punchi kina operation kurishe koishe. Hoilebi tate punchea homoi toh. Taikhan duk paishe koishe. Kile koile etu toh mati bitor te thakhea karne. Taikhan toh mati khun dishe koishe. Aru duita fire personnel bi bihos hoishe koishe. Hoilebi tai duijun ke toh phat medical dishe koishe.
Meghalaya: Assam laga Charta Kaam kurea manu murishe
