AGARTALA | April 1: Senior BJP leader aro Badharghat (SC) Constituency laga MLA, Dilip Sarkar, 61, toh bhujor te Apollo Hospital, Delhi te morise. Tai toh jowa konoba saal karne liver laga bimar thakise, aro March 28 te tai laga halat besi biya howa nimite Delhi laga Apollo Hospital te loikena jaise.
Dilip logote aalag panchjun MLAs Sudip Roy Barman, D.C. Hrangkhawl, Ashish Kumar Saha, Biswabandhu Sen, Pranajit Singha Roy toh 2015 te Congress party charidise.
2018 election te, Dilip toh Badharghat (SC) seat pora BJP Candidate karne CPI (M) candidate Jharna Das logote khilaf korikena khara korise. Purana DYFI Bishalgarh Committee president aro CPI (M) local committee member Bidhan Ch. Deb milaikena Badharghat laga besi CPI (M) leaders khan tai logote jaise. Tai khan laga modot loikena 2018 elections tai 5,000 votes pora besi jitise.
Sarkar ke toh besi pora ekdam dangor leader ekta ase koikena jaani thakise. Tai toh Badharghat Constituency pora teen bar MLA karne olaise, etu toh Tripura laga constituency majote sobse besi wala ase.
Add Comment