Itanagar, October 27, 2026: Ekta mota kun Arunachal Pradesh para ase, tai para maiki laga bhai ke guli mare kena morai de she aro ek jun ke bea para jokhom kure de she ekta chaku cholai kena, Assam laga Biswanath district te, police khan para enia koi she.
Mamla toh Assam-Arunachal Pradesh border laga Rajgarh phane hoi she, Gohpur area te.
Report hesab te, utu manu toh maiki laga ghor te jai she, tai laga maiki wapas lobole karne, hoile be maiki laga duata bhai toh mana kure thake she aro tateh para jakara olai she, aro mota toh ek jun ke guli mare kena morai de she aro ek jun ke chaku para hamla kure she.
Jokhom hoi ja ke Tezpur Medical college and Hospital te loi jai she, kute taoi treatment lo ase. Tai laga condition toh etia be beshe bea te ase koi she.
Police khan investigation shuru kure she, aro hamla kurea manu ke etia be besarea ase.
