Sikkim Te Sdf Maksat Te 100 Percent Employment Wada Korise

GANGTOK | April 3: Sikkim Democratic Front pora Friday te 10th Sikkim Assembly elections aro Parliamentary elections -2019 nimite party maksat(Manifesto) olaise.

Juti ahiya tenure te jitise koile, voters khan toh SDF laga wada ke rukhikena sai ase. Etu party president aro Chief Minister Pawan Chamling pora pura state te campaign koriya samoy te etu maksat toh janai dise.

Maksat te, economic, social aro political mamla karne wada korikena ase.

Etu maksat te ekdam door laga phabana bi milaikena ase, tate demography te naalagiya podli ahiya pora rukhaibo.

Aalag dangor maksat te Sikkim toh notun business jakka karne bonai kena state te kam besi olaibo nimite ase. Educated Sikkimese jowan manu khan ke 100 per cent kam dibo koikena wada korise.

Jowan manu khan toh Industry specific Skills diya Institutes khan te jabole paribo. Tai khan toh International level moka bi lobole paribo. Ekta Film city bi wada korise.

Jowan manu khan ke business shuru koribole Rs 5 lakh dibo. CM laga Self Employment Scheme laga nijete pora lowa loan toh hatai dibo. SDF pora state te Software technology bonaibole wada korise.

Kailash Mansarovar te dharam yatra koriya bi dangor bonaidibo. SDF Government toh Doklam nisina border laga jakka te diktari na olaibo nimite sepahi khan logote milikena kaam koribo.

Anti –Corruption laga kam bi shuru koribo. Pura samoy te manu khan laga diktar hunibole bi bonaibo.

Organic Farming logote, chottu business bi shuru koribole wada korise. SDF laga sob schemes toh UN laga Sustainable Development Goals laga hisab te thakibo.

Carbon negative hobo karne kadam bi wada korise. Etu maksat te mousam podli howa  nisina Environmental diktar bi milaikena ase.

Etu notun wada khan logote milaikena president Chamling pora bi rasta, ghor, Academic scholarships, sabha pani, Electricity supply, Constitutional Rights, aro aalag khan bi wada korise aro shanti aro suraksha bi wada korise.

Etu pora bi sosta maksat loikena, SDF pora 2014 elections te 32 seats pora 22 jitise, hoilebi etiya toh tai khan besi door phabana korikena ase, SDF president Pawan Chamling pora biswas koriya koise ki voters khan pora govt ke biswas koribo.

(UNI)