Agartala, November 5, 2026: November 4, Wednesday din te. Tripura Police khan para duita banduk smugglers ke arrest kurishe. Yete Agartal laga Battala Market te operation kuri kina 3da Pistols, choita magazine aru 50 guli paishe koishe. Yete Urban Local Bodies (ULB) elections ahea homoi te. Etu toh November 27 din te thakhibole ase.
Yete durea laga hatiar khan toh Italy te bana laga ase. Aru guli durea khan toh 7.65 mm calibre laga ase. Etu arrest toh West Tripura District laga Battala jagate ase. Yete State te illegal tarika para banduk anea laga khobor pai kina operation kurishe.
Sadar Sub-Divisional Police Officer (SDPO) Panna Lal Sengupta para media khan ke koishe ki. Police khan khobor paishe. Yete group banduk smugglers kurea khan toh Agartala te ahi thakhishe train para. Taikhan etu hatiar khan toh Battala laga osor te punchabole thakhishe. Yete tarika kuri kina Special Police Team khan para uniform nachulai kina operation kurishe. Yete taikhan duita manu ke durishe. Tai duijun toh Tripura laga bahar para ase.
