Itanagar, November 6, 2026: Arunachal Pradesh laga Namsai District te. Pasta manu ke arrest kurishe koishe. Yete Hatiar thakhi kina. Yete Gang manu 7 nishina khan para Rs 10 lakh poisa, Suna laga saman aru Mobile phones khan bi. Yete Family ekta ke damki aru hamla kuri kina. Yete bacha bi thakhishe.
Etu jamala toh October 30 din te thakhishe. Etu toh 7 pm para 8:30 pm homoi te thakhishe Simolbari te. Yete gang khan toh Omnath Dhanuk laga ghor te gushishe koishe. Aru family khan ke banduk aru Dao para damki dishe. Aru saman uthai kina na ula ageate. Taikhan kebi mari kina ulaishe.
Namsai Police khan para October 31 din te case (No. 87/2026) toh registered kurishe. Etu toh Bharatiya Nyaya Sanhita (BNS), 2023, aru the Arms Act, 1959 laga bitor te. Aru Investigation khan bi suru kurishe. Yete Police khan tarika kuri kina pasta manu ke arrest kurishe. Taikhan toh Latul Boruah (43) aru Dinesh Gogoi (41) ase Tai duijun bi Namsai te thakhea manu ase. Mineswar Dihingia (44) toh Namsai laga Bhogamur te, Chow Kyapeng Manlong (30) toh Namsa laga Nongtow Khamti para ase. Aru Sphio Mepo (43) toh Lohit District laga Mepo para ase. Yete Taikhan parabi Turkey para bana laga 7.65 mm Pistol, magazine te duita guli thakhi kina paishe. Yete suna, duita phone, duita bike. Aru ekta bike toh bia kaam kurea homoi te chulai.
