Chennai, November 6, 2026: Viashnavi Adkar toh first set te bhal para he khele she hoile be second te tai ke bea para harai de she 3-6, 0-6 te para Anastasia Zakharova laga hath para, WTA 250 Chennai Open te.
Vaishnavi, kun India laga wild card ase, tai laga first tour title jete bole besare thake she, Britian laga Jodie Burrage ke hara piche, aro shuru te toh tai ready neshe na thake she World No. 107 Zakharova logo te khele bole karne.
Hoile be Russian khelari laga movement aro backhand toh India laga top rank khelari ke beshe pressure de thake she. Vaishnavi toh dunia laga ranking te etia 344 te ase. Third game te duata khelari toh lamba ekta deuce game khele thake she, hoile be Russian khelari para break toh khotom kure bole pare she.
Maaya Rajeshwaran toh last Indian khelari ase kun etia be etu tournament te ase.
