Agartala, November 8, 2026: Tripura police khan para tin jun manu ke aro geraftar kure she, Border Security Force (BSF) personnel ke hamla kurea laga case te November 2 te.
Superintendent of Police Bijoy Debbarma para koi she ki, ekjun manu kun ke geraftar kure she tai laga nam toh Rabiul Hossain ase, tai he ase kun video te ekta BSF peronnel laga bunduk cheni she hamla kurea homoi.
Mahabul Hossain be thake she, kun video te BSF personnel ke hamla kurea dekhe bole pare she. Ekta maiki ke be geraftar kure she, tai ke court laga ahge te be ahne de she, aro November 13 tuk police laga custody te de deshe sawal khan kure bole karne.
Police khan baji kena thakea suspects khan ke etia be besarea ase. SP para koi she ki, manu sob kun hamla te shamil thake she, tai khan sob ke justice laga ahge te ahne bo.
