SHILLONG | April 03: Sitting MP aro Shillong Parliamentary seat laga Congress candidate, Vincent H Pala pora koise ki etu bar tai jitibole chance toh olop besi ase aro tai pora etu bi koise ki tai ke haraibo nimite BJP ke one lakh pora besi votes laagibo.
“Hoilebi jowa election logote milaikena saise koile ekdam mon dukh pora BJP laga vote shares toh gomti hoijabo,” Pala pora Shillong Lok Sabha constituency nimite BJP logote larai koriya laga sawal koriya ke jawab korikena koise.
Pala pora koise ki Congress vote share toh BJP ahiya pora nahilibo.
Etu toh jaanibole ase ki Pala pora 2014 Lok Sabha election te tai laga sobse osor dushman Independent candidate, PBM Basaiawmoit ke 40,000 votes pora besi paikena harai dise.
Tai pora etu bi koise ki tai toh khali ekta candidate logote khilaf larai koriya nahoi hoilebi UDP logote bicchete khara koriya pura BJP party logote khilaf khara kori ase. “BJP aro UDP toh aalag nahoise. Etu toh manu khan sob pora bi jaaniye,” tai pora koise.
BJP logote khilaf kotha korikena, Pala pora koise, “Sobse dangor kotha toh CAB laga bhoi ase aro juti etu kanun karne hoise koile, culture toh pura podli hoijabo aro moi khan laga haat te thakiya resources khan toh na ponchibo.”
“Manu khan bhoi ase ki tai khan iccha koriya dharam maaniya aro khanna khowa toh BJP pora rukhai dibo,” tai pora koise.
Tai pora etu bi koise ki tai besi mon diye kenakaam kori thakise aro etu bar, etu election toh ekdam aalag thakibo aro koise ki manu khan congress logote biwas ase aro state aro Delhi te bi tai khan nimite vote dibo.
Add Comment