AIZAWL, April 7: Mizoram-Tripura border te Kanhum bosti te aalag opai ekta dayar kori ase, tate Tripura laga choita relief camps khan te thakiya 12,081 Bru voters khan nimite 15 special polling stations bonai kena thakiya toh toofan pora phangai dise, CEO Ashish Kundra pora Saturday te koise.
Mizoram laga ekta Lok Sabha seat aro Aizawl West – I laga by-election toh ekki logote April 11 te thakibole ase.
Etu Chief Electoral Officer pora koise ki kintoh jowa saal laga Mizoram Assembly election nimite 15 special polling stations toh ekta playground aro osor laga community hall te bonaise, osor laga Catholic School building te noita polling station bonaibo nimite aalag opai ekta dayar kori ase.
Etu CEO pora koise ki logistics toh jowa saal nisina dayar koribo aro relief camps khan pora Bru voters khan Mizoram border te jabo nimite Tripura government pora gari khan dayar koribo.
NGO Coordination Committee (NGOCC), Mizoram laga dangor civil societies aro student organisations laga ekta umbrella, kono pora ahiya election boycott koribole dhamki dise aro Monday pora shuru pura state te bandh manaibo koikena dhamki dise, toh tai khan laga fesla podli korise.
Bru leaders khan pora Election Commission ke nijor laga relief camps khan pora vote koribo karne request koriya toh poll panel pora maaniya nai.
Add Comment