Shillong | April 09: Kintoh Meghalaya toh April 11 te thakibo laga Lok Sabha election nimite dayar hoi ase, Election Commission toh EVM awareness janai dibole state laga sob jakka punchibole kosish kori ase.
Meghalaya Chief electoral Officer FR Kharkongor pora janai diya ekta notun khobor te, tai pora khobor korise ki EVM awareness teams toh polling stations te jowa samoy te Meghalaya laga famous Double Decker Living Root Bridges bar korikena jaise. Etu dolong toh Shillong Parliamentary Constituency laga nijete Nongriat polling station te ase.
Tai khan laga motto “Ekjun voter ke bi nacharibo”, ke manikena Meghalaya Election Commission toh Bangladesh logote international border osor te khali jahas pora jabole pariya state laga tweita polling stations te jabole dayari kori ase. Etu tweita polling station toh Kalatek, Kamsing aro Dalia polling stations ase.
State toh tweita Lok Sabha seats- Shillong aro Tura laga election toh April 11 te lobole ase.
Add Comment