Nagpur: Thursday din te duniya laga sob para chutu maiki toh Nagpur te tai laga vote dishe. Tai laga naam toh Jyoti Amge ase. Aro tai laga umar toh 25 saal ase.
Jyoti Amge toh dui (2) feet aro ek (1) inch lamba ase. Jyoti Amge toh polling station te ahishe aro tai laga vote dishe.
Union Minister Nitin Gadkari toh Nagpur Lok Sabha Constituency para BJP laga candidate ase aro tai toh Congress candidate Nana Patole khilaf te khara kuri ase.
Khobor hesab te Jyoti Amge toh 2012 saal te reality TV show Big Boss 6 te ahi kena celebrity hoi jaishe. Olop samay pichete tai American aro Italian TV series te act kurishe.
Duniya laga sob para chutu maiki hwa nimite Guinness World Record tai laga naam aha toh he nohoi kena Celebrity Wax Museum te tai laga putla (statue) bhi ase. Etu Museum toh Pune, Lonavala te ase.
Add Comment