SRINAGAR: Official koishe ke PDP president Mehbooba Mufti laga convoy toh Monday din te pathor khan para hamla kurishe. Etu ghatna toh Jammu aro Kashmir laga Anantnag district te hoishe. Etu ghatna samay te tai toh Khirram in Anantnag district jaga laga pavitra jaga (shrine) deh jaa thakise aro tai tati para wapas korai ahha time deh hoise.
Tai khan para koishe ke Mehbooba Mufti toh Anantnag district laga Khirram te thaka shrine te jai kena thakishe. Etu ghatna huwa samay te tai toh Bijbehara te wapas ghurai ahi thakishe.
Officials koishe ke purana Jammu aro Kashmir laga chief minister laga motorcade laga spare gari toh pathor mari kena biya kuri dishe. Aro driver bhi jokom hoishe.
Etu ghatna para PDP president toh jokom nohoi kena gari para olaishe.
Mehbooba Mufti toh etiya chuli thaka Lok Sabha election te Anantnag seat nimite contest kuri ase. Tai toh 2014 saal laga elections bhi jeetishe.
South Kashmir constituency toh charta districts Anantnag, Kulgam, Pulwama aro Shopian te feli (spread) kena ase. Polls laga tisra (third) phases toh April 29 para May 6 tok chuli kena jabole ase.
Add Comment