Ban howah bechide Researve Bank of India para notun note Rs 200 aro 500 deya thakishe. Arobe RBI toh notun note Rs 200 aro Rs 500 debole ase. RBI para kowah hesab deh, note deh olob putli korishe.
RBI hesab deh notun note toh Mahatma Gandhi (New) series deh olaishe.
Etu notun notes deh Mahatma Gandhi laga photo thakibo. Aji kali laga Rs 200 aro Rs 500 note deh purana RBI governor Urjit Patel laga signature ase. Etiya notun note ahhaibole laga ke signed toh aji kali laga governor Das laga hobo.
RBI para etu notun note Rs 200 aro Rs 500 opor deh tweet korikena ase. Etu ke chari kena, central bank para be sabha sabhi janaideya toh, notun note ola logode purana joli thaga note be joli thakibo.
Central bank para kowah toh, notun note laga design toh eku putli nahobo. Design toh poila Mahatma Gandhi (New) series note ola nesana he hobo. Jaija din time deh Researve Bank para notun note Rs 50 aro Rs 100 ola thakishe. Etu tuita note debe aji kali laga governing authority laga signature ase.
Add Comment