TNT News | May 03, 2019: Cyclone Fani Northeast Indian region te ghussibole tayari kuri ase.Aro etu toh Saturday te bi Assam te ghussibole nishena ase.Etu nimete East Khasi Hills laga DC para advisory olaishe.
East Khasi Hills laga Deputy Commissioner aro Chairman, District Disaster Management Authority (DDMA), general public khan ke advisory dishe ki thunder squall hawa aro paani bishi 4th aro 5th May , 2019 te ahibole nishena ase.
Police khan precaution khan loikena sob saaman lumber piles, loose tin sheets, loose bricks, garbage cans, sign boards etc khan safe para rakhibole lageh. Kile koile etu khan toh hawa para udi jabole pareh.
Aro Khobor paa hisaab te Assam government khan para sob district khan ke hosiyar kuridishe Cyclone Fani Assam aro kunba jaka khan te ahibole nimete dui din karne Saturday para shuru kurikena.
Aro Guwahati’s Lokpriya Gopinath Bordoloi International Airport laga 23 flights nishena bondh kurishe kile koile cyclone fani toh West Bengal aro Assam te ahibole nishena ase.
Add Comment