Moscow: Investigators koishe Sunday din te Moscow laga sob para busy thaka airport te Russian plane crash hoishe. Etu ghatna te 41 manu khan murishe. Etu te komti hoile bhi duita bacha khan murishe. Etu ghatna toh Russian passenger plane toh emergency land kuri thaka samay te crash hoishe.
Soures koishe ke footage dekha hesab te Aeroflot laga Sukhoi Superjet 100 aircraft toh crash kuri kena namishe. Aro Sheremetyevo international airport te ekdam speed para jaishe. Aro plane laga fuselage para jui toh olai thakishe.
Investigative Committee tai khan laga statement te koishe ke plane te 78 manu khan thakishe aro etu te crew members khan bhi thakishe. Tai khan para aro koishe ke plane toh northwestern Russian city Murmansk te jai thakishe.
Khobor paa heasb te 37 manu khan crash toh bachishe.
Investigators khan laga spokeswoman koishe ke crash te 41 manu khan murishe.
Din te Moscow region laga health minister Dmitry Matveyev koishe dusra 11 manu khan jokom hoishe.
Add Comment