Champions League semi-final laga pohila leg te Liverpool khan forwards Mohamed Salah aro Roberto Firmino tweijun nadhaki kena Barcelona logot te khilibole ase kintoh tai khan 3-0 nabonja ke khetabole ase, manager Juergen Klopp pora Monday te kosie.
Egypt international Salah toh Saturday laga Premier League 3-2 Newcastle United pora chitiya laga match te madha jokom pai kena jaise aro Tuesday, Anfield te Barca logot te khilibole laga match te wapas ahibole etya tok phal howa nai.
Brazilian Firmino bhi biya pora jokom pai kena ase aro St James’ Park te Saturday laga game karne squad te milai diya nai.
“Taijun bhi kali karne nahobo,” Klopp pora news conference ke kosie.
” Mo karne etu toh ektam hosh hariya ase. Tai ke khilibole nadibo pare.Tai karne toh phal hi ase hoile bhi medical khan hesab te dhik nai. Ti toh ektam echa ase hoile bhi moi khan eku kuribole napare.”
Add Comment