Monday deh Prime Minister Narendra Modi para extra Rs 1,000 crore toh Odisha deh debole khobor janaishe. Kelay koile tati cyclone Fani ahhai kena besi beya korideya nemide.
Modi para kowah toh, jowah hapta union government para Rs 381 crore sanction korishe.
Cyclone para affect howah area deh government officials para relief aro restoration measures korishe koikena Modi para janaishe.
Prime Minister para be cyclone fani para mora aro jokhom powah khan logode Rs 2 lakh aro Rs 50,000 debole khobor janaishe.
Cyclone para nai nai koilebe 34 manu morishe. Etu deh 21 manu mora toh Puri district para ase. Coastal state deh Fani toh Friday din mara thakishe.
Tai para kowah toh, central team toh state deh jabo aro beya howah ke hesab kuribo.
Prime Minister para be state government logode wada kora toh, etu situation deh sabo nemide pura co-operate kuribo.
Modi para kowah toh, “jaija 7-8 din time deh Centre aro state government toh phal para mela meli thakishe. State aro Central governments majode mela meli thaga toh ektum phal thakishe. Ami toh situation deh sai thakishe”.
Tai para kowah toh, Odisha laga manu khan government laga instruction deh mana toh ektum heshab kuribole laga ase. Etu para manu mora nohoile jokhom powah toh komti koridese.
Tai para kowah toh 11 districts laga 14,000 opor bosti para one crore opor manu khan toh affect hoishe.
Prime Minister para kowah toh, authorities khan logode main concern toh electricity aro pani supplies aro-debole aro health facilities debole dese.
Etu situation deh deal kuribo nemide ami khan ekta hoi kena kaam kuribo.
Biju Patnaik International Airport deh ponja bechide Prime Minister toh cyclone para effect howah ke sabole aro hesab kuribo nemide aerial survey loishe.
Prime Minister para aerial survey toh, Puri Khurdha aro tusara affect howah district deh loishe.
PM modi ponja time deh Governor Ganeshi Lal, Chief Minister Naveen Patnaik aro Union Petroleum Minister Dharmendra Pradhan para swagat kora thakishe.
Add Comment