NEW TEHRI: Sunday te Dalit mota toh bishi jokom paa nimite muri jaishe. Etu laga case te teenta manu ke geraaftar kurishe. Dalit mota laga umar toh 23 saal thakishe. Sources koishe ke shaadhi function te tai khan osor te bhuhe (sit) kena bhaat khaa nimite marishe. Etu ghatna toh Uttarakhand te hoishe.
Senior law and order official Ashok Kumar koishe ke saatha manu khan para teentamanu khan ke geraaftar kuri dishe. Aro tai khan khilaf te Scheduled Castes and Scheduled Tribes (Prevention of Atrocities) Act laga charges lagaishe.
Senior police officer Uttam Singh Jimwal para news agency PTI ke koishe Jeetendra ke Dalit hoi kena upper caste manu khan osor te khana khaa nimite pura khong uthi kena marishe.
Etu ghatna toh April 26 te Tehri district te thaka Shrikot bosti te hoi thaka shaaddhi function te hoishe.
Police official koishe mota toh bishi biya para jokom hoishe aro nou din treatment diya pichete Dehradun hospital te he muri jaishe.
Jeetendra laga bhoini para complaint file kura hesab te case toh saatha manu khan khilaf te case toh register kurishe. Tai khan laga naam toh Gajendra Singh, Soban Singh, Kushal Singh, Gabbar Singh, Gambhir Singh, Harbir Singh aro Hukum Singh ase. Tai khan khilaf te SC/ST Act bhitor te case toh register kurishe.
Add Comment