KARACHI: Officials koishe Pakistan Coast Guards para desh laga shanty nathaka jaga Balochistan province para 350 kgs narcotics paishe. Etu laga kimat toh Rs. 3.45 billion opor te ase.
Ary News ke coast guards laga spokesperson koishe ke tai khan kunba foreign desh te ekdam ucha quality laga narcotic smuggle kuribole laga khobor paishe.
Intelligence khobor opor te act kuri kena coast guards khan jaga te ekdam dangor kaam kuribole suru kuribole dishe. Aro Jiwani town laga beach laga mati para 350 kgs narcotics paishe.
Spokesperson koishe etu ucha quality laga “Hashish” (drug) toh international market te etu laga kimat toh Rs. 3.45 billion ase.
Coast guards para drugs toh anti-narcotics force ke dibo aro olop samay pichete tai khan para etu khotom kuri dibo.
Etu laga case te etiya bhi kun ke bhi geraaftar kura nai. Hoile bhi jaga te security forces khan para drug peddlers khan ke besaribole suru kurishe.
January moina te coast guards khan raid kura samay te 37 kgs nisina “Hashish” (drug) dhurishe. Security forces khan para Balochistan, Windar Khari check post te passenger van check kuri thaka samay te dhurishe.
Add Comment