Charlotte, North Carolina: Sources koishe ke University of North Carolina (UNC) building te hoi thaka final exams chuli thaka samay te shooting hoishe. Etu nimite Wednesday fusur te police para ekta mota ke hatya nimite charge kurishe. Etu shooting te duita manu murishe aro charta manu jokom hoishe.
Charlotte jaga laga police koishe Trystan Andrew Terrell opor te duita manu laga hatya aro dusra charta manu ke murabole kosis kura nimite tai khilaf te charges lagaishe. Police para ti ke etiya jail te rakhi kena ase. Charta jokom hoi kena thaka manu para teenta manu toh ekdam serious ase.
Police koishe ke Tuesday din te shooting toh UNC Charlotte te 5:40pm te hoishe. Etu ghatna toh toh school laga last din te hoishe. Officers’ para etu ghatna laga pichete ke karan thakishe etu opor te eku kuwa nai.
Campus Police Chief Jeff Baker koishe gunman ke dui-teenta campus police officers para rukhabole parishe. Building bhitor para emergency call paa nimite campus police officers khan tara-tari jaishe.
Charlotte-Mecklenburg Police Department laga spokeswoman koishe Sandy D’Elousa hatiyar chola manu toh ekla para etu biya kaam toh kurishe. Sandy D’Elousa toh etu investigation toh lead kuri loi jai ase.
North Carolina’s Governor Roy Cooper koishe ke etu ghatna toh University te graduation hubole thaka para olop din agay te hoishe. Hoile bhi moi jani ase ke etu community laga manu khan toh ekjon-ekjon nimite graduation din te ahibo.
Website hesab te Charlotte te University of North Carolina te 26,500 opor students ase.
Add Comment