JAPAN: Japan’s Shiga region Wednesday din te ekta gaari para kindergarten laga bacha khan uporte gaari chapaidikena duita chotu bacha ke muraidishe aro dusra ke jhokom kurai dishe.
Police koishe etu gaari toh pavement te jaikena aro ekta dangor gaari te marishe Otsu city laga junction te turning kura time te .
Etu accident te ekta maiki aro ekta mota dui jun bi dui sal bacha murishe .Police spokesperson AFP ke koikena janaishe.
Etu chotu gaari para 13 nursery school children aro tinta teachers khan uporte marishe kun khan pavement te berai thakishe .police khan statement dikena koikena janaishe.
Police aro koishe ki etu group laga kunba manu khan toh jhokom paishe hoilebi khobor khan okobi dianai .
Etu bacha aro tai khan laga teachers khan pavement te thakishe crossing osorte etu time te etu chotu gaari para tai khan ke marishe . Japanese nursery schools khan hudai etu bacha khan ke park te luijai .
Etu accident hoikena local media laga footage te dikhaishe ekta gaari raasta para charikena pavement te jaishe .Aro ekta gaari etu crash para damage kurishe aro raasta te dikhishe.
Police khan koishe tai khan para etu duita gaari laga drivers khan thurishe .Etukhan toh 52-sal maiki aro ekta 62-sal maiki thakishe .
Add Comment