Agencies:Sources koishe ke army worms nimite maize te infestation hoishe. Maize khan ke infestations para bachabole nimite state Agriculture Department para teenta action teams banaishe. Etu teams khan toh etu army worm pest para agricultural kheti te phelibole rukhabole kosis kuribole ase.
Wednesday te State Agriculture Department laga director Laltanpuii Vanchhong para etu kotha opor te press note issue kurishe.
Agriculture director koishe teams khan toh infested huw adistrricts te jabole ase. Etu districts khan toh Chandel, Churachandpur, Imphal West aro Thoubal ase. Aro etu teams khan toh Thursday ddin te jabole ase. Aro teams toh tai khan logote Emamectin benzoate (a kind of pesticide) toh loi jabole ase. Etu pesticide toh Ministry of Agriculture farmer welfare, Department of agriculture Corporation (Plant Protection-I) para recommend kurishe.
Press note te koishe maize kheti kura manu khan ke maize ccrop laga komoliya (tender) shoot aro patha (leaves) khan toh ekdam bhal para sabole koishe. Etu janibole parishe ke etu worms khan toh maize laga etu hissa khan te hamla kuribole sure kure.
Kheti kura manu khan toh district agricultural officer ke advise lubole nohoile bhi Krishi Vigyan Kendras ke tai khan laga technical support lubole nimite contact kuribole koishe.
Add Comment