TOKYO: Sources koishe ke Japan toh tai khan laga sob para taaz bullet train te kuribole suru kurishe. Train toh ek ghonta te 400 kilometers (249 miles) jabole paribole. Japan toh yaatri kuribole tarika toh pura bodoli kuribole kosis toh lagatar kuri dee ase.
CNN khobor kurishe ke Friday te Shinkansen train laga ALFA-X version teen saal tok laga test runs kurishe.
Ekbar 2030 nisina te train toh operation te ghusile. Train toh 360 kmph (224 mph) laga raaftar para jabo. Aram para train ke duniya laga sob para taaz tain banai dibole ase.
Shinkansen train laga ALFA-X version toh China laga Fuxing train ke bhi harai dishe. China laga train toh Japan laga train para 10 kmph para aste berai. Hoile bhi China toh Japan nisina top speed saman khan para banaishe.
Model laga futuristic design toh dosta (10) gari aro lamba aro chunga (pointed) naak ase.
Train toh Sendai aro Aomori majote te thaka line te test kuribole ase. Etu duita shahar toh 280 kilometers alak alak ase. Tests toh adha rati te lines thanda thaka samay te hubole ase. Aro tests toh hafta te duibar hubole ase.
Add Comment