AGARTALA | May 11, 2019 (IANS): Sunday din te Tripura West Lok Sabha seat nimete repoll lobole thaka nimete komti hoilebi 7000 security personnel nishena jaishe .
Election commission khan manishe 168 polling stations 26 Assembly segments te repoll lobole nimete .Kile koile April 11 laga general election laga first phase te vote kura time te noha kaam kura nimete loi ase .
Offiicials khan IANS ke koishe ki “Etu nimete charta district laga 168 polling stations te komti hoilebi 7,000 paramilitary forces aro Tripura State Rifles (TSR) troopers khan jaishe”.
Hoilebi Tripura West Lok Sabha seat laga Returning officer (RO) Vikas Singh IANS ke koishe 168 polling stations bithor te paramilitary forces khan hi thakibole.
EC official koishe komti hoilebi 925 polling personnels 168 charikena sector officers aro micro observers khan polling stations te punchise.
Etia opposition Communist Party of India-Marxist (CPI-M) aro Congress khan Supreme court para modot mangi ase.
Tripura Pradesh Congress Vice-President aro senior lawyer Pijush Kanti Biswas IANS ke Saturday din te koishe ki senior Congress leaders aro lawyers Abhishek Manu Singhvi aro Jairam Ramesh khan legal process kuri ase aro tai khan apex court te Special Leave Petition mangibole ase April 13 te .
Wednesday din te EC para repoll lobole laga khobor dishe .
Etu vote kuribole nimete sob milaikena 141,251 voters, etu te 69,328 maiki khan vote dibole paribo.
Add Comment