WEATHER | May 11, 2019: Jaija agae din time deh Northeast India laga northern states Arunachal Pradesh, Assam aro Meghalaya deh paani toh medium para ektum bhari kera thakishe.
Etu paani gira nimete Assam aro Meghalaya khan April moina te paani gira laga deficient komti thaka toh etia 2% uthise aro Arunachal Pradesh laga paani deficiency toh etia 38% ase .
Etia northeast India laga southern states Nagaland, Manipur, Mizoram aro Tripura deh etia 42 % te ase. Etu toh paani bisi nagira nimete ase.
Etia Bangladesh te cylonic circulation aro Bay of Bengal laga gorom hawa aha para etu region te moisture khan ahi ase .Etu thik nathaka mousum laga halat para modot kuri ase North east india te paani gira toh .
Meteorologists khan kuwa hisaab eman bishi nohoilebi aro komti nohoilebi Arunachal Pradesh, Assam aro Meghalaya te ahibole nishena ase .Ahibole thaka 24 hrs te paani toh Nagaland, Manipur, Mizoram aro Tripura te ahibo nishena ase eman jor para bi nohoikena .
Etu nimete Northeast te ek haafta nishena paani bishi bhal para giribole ase. Hoilebi intermittent pre-Monsoon showers khan chuli thakibo etu monsoon aha time te .
Northeast India te Monsoon laga darek toh June 1 aro June 5 tak thakibo aro etu region laga kunba jaka khan te bhal para paani giribole nishena ase.
Add Comment