KOTA, RAJATHAN: Bundi government hospital laga doctor koishe 42 saal thaka mota laga paat (stomach) para 116 gojal (iron nails), lamba wire aro iron pellet olaishe.
Hospital laga surgeon Dr Anil Saini koishe bishi gojal (nails) khan toh 6.5 cm lamba ase. Doctor koishe ke tai laga paat para etu sob saman khan toh olabole ek ghonta adha (1 and half hours) lagishe.
Dr Saini koishe X-ray report te saman khan toh dekhi kena asorit hoishe koishe. Etu pichete CT scan kuribole dishe koishe. Patient ke Monday din te operate kurishe.
Patient laga naam toh Bhola Shankar ase. Bhola Shankar toh olop din agay te paat (stomach) bekhai ase koi kena check up kuribole ahi kena thakishe.
Dr Saini koishe patient laga condition toh etiya thik ase aro operate kura pichete bhal para kotha kuri ase.
Hoile bhi doctor koishe ke kenika kuri kena eman bishi samaan khan Bhola laga paat te jaishe etu kubole napari kena ase.
Surgeon koishe patient toh gardener hesab para kaam kure aro tai laga parivar khan bhi najane ke kinika kuri kena etu sob saman khan toh tai laga paat te jaishe.
Doctor koishe etu nisina case toh Kolkata te bhi hoishe. Patient laga paat para 2.5 cm lamba gojal khan toh patient laga paat para olaishe.
July 2017 te Badrilal (56) laga paat para komti hoile bhi 150 biji (needles) aro gojal (nails) olaishe. Badrilal toh Bundi te thaka manu ase aro tai ke Faridabad hospital te operate kurishe.
Add Comment