Lucknow, 14 May: Tuesday deh Prime Minister Narendra Modi para opposition deh kelaaf korikena koishe Samajwadi Party, Bahujan Samaj Party aro Congress laga leaders khan toh daily basis deh ami logode kelaaf kori ase. Hoilebe tai khan para naam matai toh gift ase. PM Modi para opposition ke challenge korikena koishe, ami key ke hoilebi galdi hoi kena thakise koile saboot dekhabe.
PM Modi koishe, Etu ‘mahamilavati’ manu SP, BSP aro Congress khan sob toh ami logode bothnaam kori ase. Ek din be jaa nai tai khan para ami ke bothnaam nakora. Ami para tai khan ke etu laga jawab toh nadibo. Hoilebe apuni para tai khan ke vote para jawab debe.
Lok Sabha election campaign time deh Congress para Rafale jet deal opor deh besi kotha korishe. Congress chief Rahul Gandhi para PM Modi toh industrialist Anil Ambani ke favour kori koishe. Mr Gandhi para Chowkidar toh chor ase koikena tai laga poll rallies deh besi phak koishe.
Congress ke charikena tusara opposition parties khan be PM Modi ke corruption opor deh kelaaf korishe.
PM Modi koishe, Ami dhun hobole ketiya be bhabona nakori nahoile dukhi laga poisa loot koribole nabhabi, Ami nemide ami laga jevaan para be dukhiya laga welfare aro motherland bachabole laga he besi kaam laga ase.
Prime Minister Narendra Modi be Mayawati para tai votes jetibo nemide caste jolai ase kowah ke tai ketiya be caste politics thaga nai koishe.
Prime Minister koishe, “mahamilavati manu khan toh Modi’s caste ke ase koikena hoti ase. Ami toh Gujarat deh bua-babua para be besi lamba nemide chief minister thakise. Ami besi elections fight korise hoilebi caste politics toh ketiya be koranai. Ami caste laga naam para khor deh gas cylinders toh deyanai. Ami desh nemide kaam kuribole mon ase. Ami desh nemide apuni ke vote mangki ase.
Add Comment