Amethi hatya case te teenta manu ke geraaftar kurishe

Lucknow: 

Monday te police koishe Amethi te notun para elect huwa MP Smiti Irani laga sob para close saathi laga hatya te teenta manu ke geraaftar kurishe.

Uttar Pradesh Director General of Police (DGP) O P Singh para reporters ke koishe Amethi hatya case te teenta suspects kee geraftar kurishe. Duita manu toh etiya bhi lapata ase.

Singh koishe saatha manu ke dhuri rakhi ase aro tai khan ke puchtach kuri ase. Tai khan para teenta manu toh etu ghatna te samil ase. Tai koishe duita manu toh etiya bhi lapata ase aro ami khan tai khan ke besari ase.

Hatya laga karan toh local political rivalry hubole pare koishe.

Surendra Singh laga umar toh 50 saal thakishe. Aro tai toh Baraulia bosti laga head thakishe. Baraulia toh Amethi district headquarters toh 25 km dur nisina te ase. Etu ghatna toh Saturday te 11:30 pm nisina te hoishe.

Singh ke Lucknow hospital te loi jaishe. Hoile bhi jokom bishi huwa nimite treatment samay te muri jaishe.