New Delhi, 30 May: Bharatiya Janata Party deh lead kora Narendra Damodardas Modi para Thursday (30 May 2019) deh second par nemide desh laga Prime Minister karni wada korishe. Etu agae deh tai laga party Bharatiya Janata Party para 17th Lok Sabha election deh majority seats para jeta thakise.
President Ram Nath Kovind para oath taking ceremony deh administer kora thakise.
Tusara khan majode leaders khan ministers nemide wada kora khan toh Rajnath Singh, Amit Shah, Ram Vilas Paswan, Harsimrat Kaur Badal, Ravi Shankar Prasad, Nirmala Sitharaman, Nitin Gadkari, Smriti Irani, D Sadanand Gowda, Sadhvi Niranjan Jyoti, Thawar Chand Gehlot, Mahendra Nath Pandey, Narendra Singh Tomar aro Giriraj ase.
Cabinet deh former foreign secretary Subrahmanyam Jaishankar toh toh last samai deh shaat deya thakise.
Senior leader aro incumbent Finance Minister Arun Jaitley para tai bemari howah nemide eku ministerial position nalobo kowah thakise.
Incumbent Foreign Minister Sushma Swaraj toh election deh contest nakora thakise. Hoilebe Rajya Sabha deh tai office deh aro ahhaibo pari.
Function deh special invitees BIMSTEC nations laga leaders khan ahha thakise. Ceremony nemide Malaysia aro Kyrgyzstan laga heads ke be invite kora thakise.
States laga Governors aro chief ministers, senior politicians, industrialists, religious heads, film celebrities, diplomats, bureaucrats aro tusara personalities khan be ahha thakise.
Tusara khan majode Uttar Pradesh Chief Minister Yogi Adityanath, Bihar CM Nitish Kumar, Maharashtra CM Devendra Fadnavis, Uttarakhand CM Trivendra Singh Rawat, Haryana CM Manohar Lal Khattar be thakise.
Business personalities khan majode chairman of Reliance Indutries Mukesh Ambani, Non-executive chairman of Tata Sons Ratan Tata, chairman of Tata Group Natarajan Chandrasekaran, HDFC chairman Deepak Parekh, chairman of Adani Group Gautam Adani, aro head of Patanjali Ayurved Acharya Balkrishna khan thakise.
Ceremony deh veteran actors Jeetendra aro Anupam Kher, actors Shahid Kapoor, Kangana Ranaut, film directors Karan Johar, Madhur Bhandarkar aro Anand L Rai ahha thakise.
Add Comment