GUWAHATI | June 11, 2019:Pollution komti kuribole nimete Assam State Transport Corporation (ASTC) khan para 15 electric buses government’s FAME (Faster Adoption and Manufacturing of Electric vehicles) scheme bithor te shuru kuribo.
Etu buses khan laga trial run toh June 22 para shuru kuribole bhabana kuri ase .Ekta Bus te 31 passengers laga capcity thakibo.
“Ami khan logote 15 electric buses ase.Etu toh central government initiative ase .Etu bus khan toh trial run huwa pichede shuru kuribo,” Chief Engineer Balidan Das koikena janaishe.
Etu buses khan toh ASTC Kachari-Kamakhya route para kuribo etu para ek din te five to six trips nishena hobo.Aro kunba bus khan toh duita alag alag route ISBT aro Paltan Bazar para chulabole ase.
“Government of India khan kosish kuri ase joldi hi emission free transport anibole nimete .Aro bus khan toh etu moina para shuru kuribo etu toh emission free thakibo.Etu phase operation toh Kamakhya temple para shuru kuribo,” Anand Prakash Tiwari, Managing Director (MD) para koikena janaishe.
ASTC khan para tinta route olaishe etu buses khan chulabole nimete .Etu laga akhe route toh Kachari para Kamakhya tak thakibo 6.4km distance cover kurikena ,second route toh Paltan Bazar para airport tak 2.5 km distance cover kurikena aro third wala route toh ISBT, Khanapara, Ganeshguri, Paltan Bazar, Maligaon aro IST te wapas ahibo 38 kms distance cover kurikena .
Add Comment