KOHIMA DPDB MEETING loishe

KOHIMA,JULY 16,2019 : Kohima District Planning and Development Board meeting July 2019 nimete nutun  chairmanship Kohima DPDB Chairman & Advisor Rural Development, Dr. Neikiesalie Nicky Kire logote DPDB’s Conference Hall  15^th July 2019 te loishe .

Members khan logote kotha kura time te  Chairman para   khan dusra  district’s DPDB khan logote annual activity  khan laga kotha kurishe.Tai koishe VAC programme bithor te   etu acitivities toh alag alag colonies wards  aro bosti khan te loise aro  etu toh society khan nimete beneficial programme thakishe  Aro tai bhabona kurishe dusra DPDB khan bi bhal lagibo etu toh tai khan laga districts khan te bi lobole nimete . Dr. Nicky aro bi koishe VAC programme dusra districts khan logote  tai khan laga kaam   uporte etu te district najanikena thaka  future te lobole paribo aro members khan ke koishe tayari thakibi koikena dusra districts te jabole nimete  kitia lagile toh.

Chairman para aro bi khobor dishe  ki   state government khan para  sob DPDB nimete Rs. 5 lakhs extra allowance khan dishe etu nimetre tai  government khan logote jabo DPDB’s programme etu te VAC programme bhal para chulabole nimete .

Etu house para aro manishe  paanchta societies laga registration nimete  Verification Committee khan para verify kura pichede aro  manishe etu toh government khan ke dibo action lobole nimete .

Koinonia Baptist School Keziekie, Kohima te khulibole laga kotha  te house para etu matter te kotha kurikena  manishe  verification lobole nimete  etu school khulibole thik ase na nai etu jaka te khulibole nimete  aro town areas khan  te traffic kinika ase sai kena.

Meeting te President of Kohima Village Student Union, Kikrukhrielie Khezhie para “Save Dzüvürù” Clean Kohima  bithor te PowerPoint presentation dishe  .Tai laga presentation te  tai para KVSU laga action plan uporte kotha kurishe  Dzüvürü River’ bachabole nimete tinta phase te  etu te clean-up and awareness, re-enforcement of river banks aro beautification of the river  ase aro tai para  suggestion aro members khan ke  modot mangise  etu project bhal para shuru kuribole nimete .