WOKHA,JULY 16,2019 : District Task Force khan 16th July DC official chamber te meeting loishe etu bi immunization Rotavirus vaccine laga uporte kotha kuribole nimete .Etu toh July 2019 laga last week phaneh lobole ase .
Rotavirus vaccine toh sobse biya wala beemar ase etu bacha khan bithor te Diarrhea olai etu toh hospital nohoile toh muri bi jai .India laga data te dikhaishe ki rotavirus toh responsible ase 40% moderate aro 5 sal bithor bacha khan bithor te diarrhea paa toh etu para to 8.72 lakh hospitalization, 32.7 lakh outpatient visit aro78.000 deaths hudai sal hoi thakeh.
rotavirus diarrhea para mura ekla nohoikena etu para bishi diri nutritional complications aro loss cognitive development potential bi thakibo.
Etia tak 96 desh khan RVV shuru kurishe aro India laga 11 states te the 1st phase 2016 para shuru kurishe .Ami khan laga jaka Nagaland khan bi tayari kuri ase RVV olabole nimete July 2019 khotom nohoa akhe te .RVV toh 6 weeks, 10 weeks aro 14 weeks te thakibo.
Etu programme bhal para chulabole nimete Dr.Khelito Zhimomi, DPO UIP/RCH Wokha para Medical Officers, Programme Officers laga District level training toh June 2019 para khotom hoijaishe . Asha, Anganwadi Workers, FLW, ANMs khan laga block level training bi khotom hoishe . Village Health & Nutrition Days te village level te Massive campaign loi ase aro dusra logistic equipments , human resources khan tayar kurikena ase chulabole nimete . Dr.Khelito para khobor dishe etu campaign ke strengthen kuribole nimete house to house survey chuli ase.
Deputy Commissioner, Wokha & Chairman District Task Force for Immunization, Dr.Manazir Jeelani Samoon para sob line departments, stake holders, NGOs, Churches khan ke modot kuribi koishe etu campaign bhal para lobole nimete .Tai para aro bi khobor dishe District Health Society meeting toh 5th August 2019 te lobole ase .
Add Comment