Guwahati, 26 July: Friday din state’s Disaster Management Authority koise, Assam laga 18 districts deh flood para in 2,753 bosti khan ke dekthari paise. Etu toh Bhutan deh Kuricchu hydropower plant reservoir para paani charideya nemide ase.
Bosti khan toh Dhemaji, Darrang, Baksa, Barpeta, Nalbari, Chirang, Bongaigaon, Kokrajhar, Dhubri, South Salmara, Goalpara, Kamrup, Kamrup (M), Morigaon, Nagaon, Golaghat, Jorhat aro Cachar laga district laga ase. Etu affect howah districts deh 34.92 lakh opor manu khan ke dekthari paise.
Last 24 hours deh ekta manu laga jevaan lost howah toh Dhubri district deh calamity nemide ase.
Aji kali nai nai koilebe 833 relief camps toh Baksa, Nalbari, Barpeta, Chirang, Bongaigaon, Kokrajhar, Dhubri, Goalpara, Kamrup, Morigaon, Nagaon, Golaghat aro Jorhat districts deh ase. Aro tati 1,95,159 manu khan toh thaki ase.
Lakhimpur, Darrang, Barpeta, Kokrajhar, Kamrup, Morigaon aro Sivasagar district deh 102 relief distribution centres be ase.
Neamatighat (Jorhat) aro Dhubri deh Brahmaputra laga paani level toh danger mark opor deh ase aro Sonitpur deh Jia Bharali toh danger level opor deh ase.
Kamrup deh Puthimari river toh danger level opor deh ase aro Manas aro Beki rivers be Barapeta deh danger mark opor deh ase.
Disaster Management Authority koise, flood nemide total 76 jun morise.
Add Comment