IMPHAL | Aug 12, 2019: Manipur police khan para tinta underground leaders thakishe etu te Maoist Communist Party Manipur (MCPM) laga top leader ke Hardinge Road Patna Junction osorte Bihar August 8 Sunday para anishe .
Tai khan ke Manipur police aro Patna police laga joint team para thurishe .Etu thura te Sapamcha Kangleipal alias Chiranglen alias Sarat (37) kun MCPM laga top leader ase .Tai ke Manipur government khan para wants ase etu bi tai 11 sal jail para polai jaa pichede .
Dusra duita leaders khan toh Kangleipak Communist Party (KCP)- Peoples’ War Group (PWG) ; Wahengbam Thoi Luwang alias Thawai Lakpa (36) Wabagai Terapishak aro Kangabam Roshan (27) Brahmapur Thangapat Mapal para ase .
Tai khan ke wapas anishe etu bi Manipur police khan para Patna court para transit remand loishe etu bi alag alag police station te tai khan cases khan pending thaka nimete .
Etu tin junk ke Imphal te alag alag anishe . Kangleipal ke Imphal te phutaishe police team khan para Indigo flight te aro dusra duita KCP(PWG) leaders Sunday din te dusra flight para anishe .
Sapamcha Kangleipal alias Chiranglen alias Sarat Imphal East chief judicial magistrate laga court te luijabole ase police custody te etu tai khan laga khilaaf Imphal East district laga kunba police stations khan te FIR cases pending thaka nimete .
Dusra duita KCP (PWG) leaders ke Imphal West chief judicial magistrate te luijabole ase etu bi etu sal May moina te tai khan laga khilaaf FIR file kura te .
Add Comment