GUWAHATI |August 23, 2019: Thursday din te official koishe ki Maharashtra ATS para Assam laga ekta manu ke thurishe .Etu bi tai para Indian cricketeers khan ke dhamki dishe muraidibole nimete .Tai ke local court para August 26 te police custody te phutaishe.
Etu accused Braja Mohan Das Tuesday din te tai laga ghor Shantipur village Assam’s Morigaon district, 80 km Guwahati, para jaikena thurishe .aro tai ke Mumbai te chan bin kuribole nimete anishe.
Das para August 16 te Board of Control for Cricket in India (BCCI) ke dhamki dishe email te. BCCI para Mumbai Police ke khobor dikena ATS khan para chan bin shuru kurishe .Aro Das laga location kuteh ase bisarishe .Etu pichede Assam te ATS team khan jaikena local police laga modot para etu manu ke thurishe .
Chief Judicial Magistrate, Morigaon para transit remand paikena Das ke Mumbai te anishe aro Mazagaon Magistrate 2nd Court te luijaishe kun khan para tai ke Police custody te paanch din nimete phutaishe .
ATS khan etu manu laga haath para electronic equipment thurishe aro tai ke Indian Penal Code laga alag alag section bitor te booked kurishe.
BCCI khan etu chamela te okobi statement dianai aro Indian cricket team khan etia West Indies tour te ase alag alag matches khan khelibole nimete.
Add Comment