Dimapur, 28 August: Minister for Planning & Co-ordination, Land Revenue and Parliamentary Affairs, Neiba Kronu logode Advisors Namri Nchang aro Dr Longrineken shaat thaki kena August 19 direk para 27 direk tak Myanmar aro Laos deh lok korise. Etu toh Myanmar deh coffee plantation laga method janibole aro Laos deh tourism aro infrastructure nemide ase.
United Nations on Drugs & Crime (UNODC) para Myanmar laga manu khan ke coffee plantation kuribole koise kelay koile tai khan phal para kamabole aro phal para thakibole nemide.
State laga economy othabole aro farmers khan ke motob debole nemide Kronu logode tai laga team toh Mandalay, Myanmar laga Shan mountain region deh Sithar coffee plantation area deh lok kora thakise aro Tin Tinwin, executive director of Sithar coffee farm logode kotha kora thakise.
Kronu aro tai laga team khan para Tin Tinwin ke coffee deedling nemide support debole koise. Kelay koile Shan region nesana Nagaland be coffee plantation nemide phal howah karni.
Minister aro tai laga team be Laos deh lok kora thakise. Tati lok kora toh coffee plantation aro desh laga tourism aro infrastructure deh janibo nemide lok korise.
Laos deh Kronu aro tai laga team toh Luang Prabang, UNESCO town deh lok korise. Etu jaga toh world heritage under deh United Nation for Educational and Scientific Organization (UNESCO) para sai.
Add Comment