LONGLENG,AUGUST 30,2019: 12th Battalion NDRF Daimukh, (Arunachal Pradesh) khan Nagaland State Disaster Management Authority aro District Disaster Management Authority (DDMA) Longleng logote milaikena 26th para 28th August 2019 tak three days familiarization Exercise Disaster Management nimete loishe.
Etu day long programme te 20 NDRF personnel laga team khan Inspector Sourah Singh and Sub Inspector /General Duty Sushil Kumar para disaster time te rescue kuribole laga basic steps aro techniques khan dikhaishe aro safety rules khan uporte bi kotha kurishe.
Etu disaster Management laga demonstration ekla hi nohoikena etu N.D.R.F team khan para manu khan ke disaster preparedness aro safety tips disaster komti kuribole nimete kotha kurishe.Etu team khan para alag alag techniques etu te jhokom paa manu khan ke first aid diya laga fire, earthquake aro dusra natural calamities laga rescue techniques khan dikhaishe .Students aro public khan ekla hi nohoikena etu progrmme te District Administration, NGOs, PPC, PSC, Phomla Hoichems, Chamber of commerce, ward Presidents, LTSU, DEF police,12th IR Chingdok, 2nd NAP Longleng, VGs aro officials khan ahise. Disaster Management Department Familiarization programme toh akhe te Public local ground, Yingli College aro S.P office Longleng District Headquarter khan te loishe.
Add Comment