TUENSANG,AUGUST 31,2019: GHSS Tuensang laga  auditorium 29th August 2019  te  “Periodic Table of Chemical Elements: Impact on human welfare” laga  topic bithor te  District Level Science Seminar loishe.Etu te SDAO Tuensang, Akila Rothrong guest speaker thakishe.

Etu occasion te Akila Rothrong kotha kura time te koishe  technological advancement aro etu laga  positive aro  negative impact  uporte kotha kurishe .Students khan ke mond dangor kurikena tai para tai khan ke  kaam mondikena kuribi aro  scientific attitudes developed kuribole kotha kurishe Tai aro koishe inventions khan para ami khan kile lageh bhal para janaideh.

Etu seminar laga panel of judges khan toh Tongpangkokla Chang, Dipak Nath aro  Rejuba Pongen, Assistant Professors Sao Chang College, Tuensang para thakishe .Sob milaikena  22 Students 11 Schools para bhaagh loishe etu seminar te etu te Sangletola Chang Wela Foundation School Winner aro  Chemie Shiu St. Joseph’s School aro  Wangtsokiu T Akum Imlong School Second aro  3rd te ahise .

Chumbenthung Mozhui PGT, GHSS Tuensang para vote of thanks dishe.Etu programme toh  Anden PGT, GHSS Thangjam para loishe aro Principal GHSS Tuensang, S. Imkongsenla Sangtam para welcome note dishe.