Cairo: Veteran Joshna Chinappa prequarter-finals te Egypt laga World No. 2 Nour El Sherbini logot 0-3 pora hari kena etya chalu dhakiya laga PSA Women’s World Squash Championship te harise.
El Sherbini, reigning World Champion, pora Chinappa ke 11-5, 11-3, 11-6 pora harai di kena quarterfinals te jaise. Etu toh Chinappa karne Egyptian logot hariya toh bar bar dui bar wala ase.
Teen bar World Champion pora duita opening game te aram pora lead loise, hoile bhi Chinappa pora olap mehnat kurise third Monday rati te. Hoile bhi, etu toh bishi teri hoise kintoh El Sherbini poro 21 minutes te game lead kurise.
“Joshna toh etu season te suru kuriya somoy te pora hi ektam josh te dhakise,” psaworldtour.com pora 23 umar El Sherbini pora chitiya biche te kowa laga koise.
“Moi laga performance logot te moi ektam khushi pai ase aro etu toh moi laga pohila tournament ase etu pora moi bishi bar khilibole kosish kuri ase. Moi ektam khushi pai ase ke moi 3-0 pora chitibole parise,” tai pora koise.
Joshna, ranked World No. 12, pora tai laga second-round opponent, Hong Kong’s Ho Tze-Lok jokom pai kena olai jaa pora chiti kena etu tournament laga third round te khushise.
Add Comment