New Delhi: Kings XI Punjab co-owner Ness Wadia pora BCCI logot 2020 edition te suru kuri kena IPL game suru nahowa ake te hotai Indian national anthem gaabole karne likhise. National anthems gaa toh international game suru nahowa ake te hi gai dhake hoile bhi Wadia ke lagya toh world’s number one cricket league te bhi etu toh dhakibole lage koi kena. Tai pora BCCI ke bhi IPL laga expensive opening ceremony dhakiya karne khushi pai dise.
“Etu toh ektam phal move ase. opening ceremony nadhaki kena bishi somoy hoise. Moi pora hotai opening ceremony host kuribole karne value aro necessity phabi dhakise. Ekta taikhan (BCCI) pora kuribole laga toh Indian Premier League ase dekhai dibole karne game sob laga ake te national anthem gaabole lage,” Wadia pora PTI ke koise.
“Moi pora BCCI logot te boila bhi likhise aeo etya bhi Mr Sourav Ganguly (BCCI president) logot te bhi likhise. Aro moi phabna te etya tak movie theatres te bachai.”
Indian Super League (football) aro Pro-Kabaddi League te bhi national anthem toh bachai.
“Etu toh Indian Premier League hi ase. Moi khan logot te dhakiya karne moi khan khushi pabole lage, bishi phal national anthem aro phal league. NBA te bhi, game nakhiliya ake hotai te national anthem bachai,” tai pora koise.
Add Comment